ભરૂચ પશ્ચિમ વિસ્તારના બાયપાસ ફલાય ઓવરબ્રિજને બ્યુટીફીકેશન અને નામકરણ કરવા માટે કરી માંગણી.

ભરૂચ-દહેજ રોડ પર આવેલ બાયપાસ જંબુસર ચોકડી વિસ્તારમાં ઓવરબ્રિજનું નામકરણ અને બ્યુટીફીકેશન માટે કલેકટર ભરૂચને રજુઆત કરવામાં આવી હતી. ભરૂચની જંબુસર બાયપાસ ચોકડી પર આવેલા ફલાય ઓવરબ્રિજ ત્રણ તાલુકા અને દહેજ ઔદ્યોગિક વસાહત અને જોડતો અતિ મહત્વનો બ્રિજ હોવાથી સ્થાનિક લોકો દ્વારા તેને સુશોભિત અને લાઈટોથી સજ્જ કરવામાં આવે તે માંગણી સાથે આવેદનપત્ર પાઠવામાં આવ્યું હતું.

પશ્ચિમ વિસ્તારના સ્થાનિકોએ ભરૂચ કલેકટરને બાયપાસ ચોકડી પર ફ્લાયઓવર બ્રિજનું નામ ભૂતપૂર્વ રાષ્ટ્રપતિ અને મિસાઇલ મેન તરીકે ઓળખાતા એપીજી અબ્દુલ કલામના નામ પરથી આપવામાં આવે અથવા ૧૯૬૫ ના ભારત-પાકિસ્તાનના યુદ્ધમાં બહાદુરીપૂર્વક લડેલા જાંબાઝ સૈનિક વીર અબ્દુલ હમીડનાં નામ આપવા સાથેની માગણી કરતું આવેદનપત્ર પાઠવાયુ હતું.