પવિત્ર મોઢેશ્વરી માતાના મંદિરની ચાર દાન પેટી તોડી રૂપિયા ૫૦૦૦ ની ચોરી
ગણેશ મોબાઈલ શો રૂમ માંથી રૂપિયા ૧૫,૦૦૦ નાં મત્તાની ચોરી
બે તસ્કરો સીસીટીવી કેમેરામાં કેદ
ભરૂચ નગર ખાતે એ દીવસે દિવસે તસ્કરોનો તરખાટ વધતો જાય છે. છેલ્લા એક મહિનાથે ઉપરા છાપરી ચોરીના બનાવો બનાતા હોવા છતાં પોલીસ તંત્રને ચોરીના ભેદ ઉકેલવામાં કોઈ સફળતા પ્રાપ્ત થઇ નથી. તેવા માં ગત રાત્રે ૨ થી ૨:૩૦ નાં સમયમાં ભરૂચ નગરના ૨૪ કલાક ધમધમતા લીંક રોડ પર આવેલ પવિત્ર ધામ એવા મોઢેશ્વરી મંદિરને તસ્કરોએ નિશાન બનાવી ચાર દાનપેટીના તાળા તોડી રૂપિયા ૫૦૦૦ ની ચોરી કરી આ બનાવમાં બે તસ્કરો સીસીટીવી કેમેરામાં આ બાદ ઝડપાય ગયા છે. ત્યાર બાદ નજીક આવેલ ગણેશ મોબાઈલ શો રૂમનું સ્તર ઊંચું કરી તસ્કરો શો રૂમમાં પ્રવેશ્યા હતા. અને રૂપિયા ૧૫,૦૦૦ ની કિંમતનાં ૬ મોબાઈલની ચોરી કરી હતી. આ બનાવામાં પણ એ જ બે તસ્કરો સીસીટીવી કેમેરામાં કેદ થઇ ગયા હતા. આમ બે સ્થાનકો ખાતેની ચોરીના બનાવોમાં તસ્કરોએ ૨૦૦૦૦ની મત્તાની ચોરી કરી હતી. આ બનાવે ભારે લોકચર્ચા ફેલાવી છે.
