આજરોજ ભરૂચ પંથકમાં આવેલ ABC ચોકડી પર એકાએક હોનારત સર્જાઈ હતી. સવારે લગભગ 6 થી 7 વાગ્યાના અરસામાં વેગન-આર ફોરવ્હીલર ગાડી ચાલક ભરૂચ તરફથી જી.એન.એફ.સી. ચોકડી તરફ જઇ રહ્યો હતો ત્યારે એકાએક ગાડીમાં આગ લાગતા હોબાળો મચી જવા પામ્યો હતો.
એબીસી સર્કલ પાસે દરરોજ સવારે જનરલ શિફ્ટની દહેજ ઝઘડીયા વાગરાની કંપનીની બસો પસાર થતી હોય છે ત્યારે વહેલી સવારે જ એક ફોર વ્હીલર ગાડીમાં સ્પાર્ક થતાં એકાએક સળગી ઉઠી હતી તેવામાં ગાડી હંકારનારે ગાડી ઊભી રાખી અને તે ગાડીમાંથી ઉતરી ગયો હતો અને અમુક જ પળોમાં ગાડી બળવા લાગી હતી જેથી લોકોના ટોળેટોળાં જામી ગયા હતા અને રસ્તાની વચ્ચોવચ આગ બેકાબૂ બનતા બસોને અવરજવર કરવામાં મુશ્કેલી સર્જાઈ રહી હતી. ફાયર બ્રિગેડને જાણ થતાં તેઓ ઘટના સ્થળ પર પહોચી આવ્યા હતા અને આગ પર કાબૂ મેળવ્યો હતો જે બાદ ટ્રાફિક હળવો થવા પામ્યો હતો.
Advertisement
