ભરૂચ : એબીસી સર્કલ નજીક ટ્રાફિક પોલીસ અને ટ્રક ચાલક વચ્ચે મારામારીનાં દ્રશ્યો સર્જાયા.

આજરોજ ભરૂચ એબીસી સર્કલ નજીક સવારના સમયે BTET ના જવાન અને એક ટ્રક ચાલક વચ્ચે કોઈક અગમ્ય કારણોસર મારામારી સર્જાઈ હતી જેમાં BTET ના જવાને ટ્રક ચાલકને ઘણો ફટકાર્યો હતો જે સમગ્ર ઘટનાનો વિડીયો વાઈરલ થયો હતો.

મળતી માહિતી અનુસાર, દહેજ રોડ પરથી જી.એન.એફ.સી તરફ જવા માટે ભારે વાહનો પસાર થતા હોય છે ત્યારે BTET ના જવાને એક ટ્રકને ઉભી રાખી હતી જે બાદ ટ્રકચાલક અને BTET ના જવાન વચ્ચે બોલાચાલી થઇ હતી અને તે બાદ બન્ને વચ્ચે મારામારીના દ્રશ્યો સર્જાયા હતા જેમાં BTET ના જવાને ટ્રકમાં ચડી જઇ અને ટ્રક ચાલકને ફટકાર્યો હતો જે સમગ્ર ઘટના અંગે વિડીયો વાઈરલ થયો હતો.