કોરોના ધીમે ધીમે ઓછો થઈ રહ્યો છે ત્યાં ડેન્ગ્યુ પોતાની અસર બતાવી રહ્યો છે…!!

ભરૂચ જીલ્લામાં કોરોના મહામારીએ પોતાનો કાળમો પરચો આપતા કોરોનાની બીજી વેવ ભરૂચ જીલ્લા માટે ખૂબ ઘાતક સાબિત થઈ હતી ત્યારે હવે એક તરફ આરોગ્ય તંત્ર દ્વારા ખૂબ સક્રિય રીતે મૂકવામાં આવતી રસીના કારણે તેમજ લોકોની સજાગતાના પગલે કોરોના મહામારી ધીમે ધીમે ઓછી થઈ રહી છે. તેમ છતાં હજુ કોરોનાનો રોગ સંપૂર્ણપણે નાબૂદ થયો નથી. કોરોના મહામારી ભરૂચ જીલ્લામાં સમયાંતરે અથવા તો લાંબા દિવસ બાદ એક કે બે દર્દીઓ કોરોનાનાં જણાય રહ્યા છે તેવી પરિસ્થિતિમાં હવે ભરૂચ જીલ્લામાં કોરોના સમાન જ ભયંકર એવો ડેન્ગ્યુનાં રોગથી પીડાતા દર્દીઓની સંખ્યામાં ઉતરોઉતર વધારો થઈ રહ્યો છે. ખાનગી દવાખાના અને સરકારી દવાખાનાઓમાં દિવસના સમયે મચ્છર કરડવાથી થતાં ડેન્ગ્યુનાં રોગથી પીડાતા દર્દીઓની સંખ્યા વધી રહી છે.