રાજ્યમાં ઉનાળાની શરૂઆત સાથે જ આગ લાગવાની ઘટનાઓ પણ સામે આવી રહી છે, ભરૂચ જિલ્લામાં પણ છેલ્લા એક સપ્તાહ માં અનેક સ્થળે આગ લાગવાના બનાવો બની રહ્યા છે જેમાં વધુ એક ઘટના દહેજ જીઆઇડીસી વિસ્તારમાં આજે બની હતી.
દહેજ જીઆઇડીસી વિસ્તારમાં આવેલ બેન્ઝોકેમ કંપનીના પ્લાન્ટમાં આજે સવારના સમયે પ્લાન્ટમાં સીડી સપ્લાય પાઈપ લાઇન ઉપર પડતા લીકેજના કારણે આગ લાગી હતી, જોકે ઘટના અંગેની જાણ ફાયર વિભાગમાં કરવામાં આવતા ફાયર ના લશ્કરો એ તાત્કાલિક ઘટના સ્થળે દોડી જઈ આગ ઉપર કાબુ મેળવ્યો હતો, જોકે સદનસીબે ઘટનામાં કોઈ પણ પ્રકારની જાનહાની ન થતા ઉપસ્થિત લોકોએ રાહતનો શ્વાસ લીધો હતો.
મહત્વની બાબત છે કે ઉનાળાની શરૂઆત સાથે જ આગ લાગવાના અનેક બનાવો બની રહ્યા છે ત્યારે મુખ્યત્વે જીઆઇડીસી વિસ્તારોમાં આવેલી કંપનીઓએ સાવચેતી રાખવાની તાતી જરૂર જણાય છે જેથી કોઈ મોટી દુર્ઘટનાને ટાળી શકાય છે.
