ભરૂચ જિલ્લાના જંબુસર પંથકમાં રાત્રીના સમયે દીપડો ઝાડીઓ વચ્ચે લટાર મારતો હોવાનો વીડિયો સોશિયલ મીડિયામાં ચર્ચાનું કેન્દ્ર બન્યો છે, આમ તો સામાન્ય રીતે પૂર્વ ભરૂચના ગ્રામ્ય વિસ્તારમાં દેખાતો દીપડો જિલ્લાના જંબુસર ખાતેના સારોદ ગામ નજીક ફરતો હોવાનો વીડિયો રાહદારીએ કેમેરામાં કંડારી વાયરલ કરતા લોકો વચ્ચે મામલો ચર્ચાનું કેન્દ્ર બન્યો છે.
મહત્વની બાબત છે કે જંબુસર નજીકથી ઢાઢર નદી પણ પસાર થાય છે અને હાલ નદીમાં જળ સ્તરનું પ્રમાણ પણ વધુ છે તેવામાં અનુમાન લગાવાઇ રહ્યું છે કે આ નદીના પુરના પ્રવાહમાં દીપડો તણાઇ આવી સારોદ નજીક પહોંચ્યો હોય શકે છે, તેવામાં હવે મામલો ચર્ચાનુ કેન્દ્ર બનતા વન વિભાગને પણ ઘટનાની જાણ કરવાની તજવીજ હાથ ધરવામાં આવી હોવાનું ચર્ચાઇ રહ્યું છે.
Advertisement
હારુન પટેલ : ભરુચ
મો.99252 22744
