ભરૂચ જિલ્લામાં દિવાળી તહેવારો ટાણે નશાનો વેપલો કરતા તત્વો બેફામ બન્યા હોય તેમ એક બાદ એક પોલીસના દરોડામાં બુટલેગરો ઝડપાઇ રહ્યા છે, છેલ્લા એક સપ્તાહમાં જિલ્લાના વિવિધ વિસ્તારોમાં પોલીસ વિભાગ દ્વારા પાડવામાં આવેલ દરોડામાં લાખોની કિંમતનો શરાબનો જથ્થો અત્યાર સુધી ઝડપાઇ ચુક્યો છે, તેવામાં વધુ એક સ્થળે પોલીસે દરોડા પાડી બુટલેગરોના નશાના વેપલાને ડામ્યો છે.
ભરૂચ ક્રાઇમ બ્રાંચના કર્મીઓ પેટ્રોલીંગમાં હતા દરમિયાન મળેલ બાતમીના આધારે અંકલેશ્વરના જુના બોરભાઠા બેટ વિસ્તારના સડક ફળિયામાં રહેતો ઉક્કડભાઈ મગનભાઈ વસાવા નાઓને ત્યાં દરોડા પાડી તેઓના મકાનમાં તથા મકાનના પાછળના ભાગે વાડામાં પીપડા દાટી ભારતીય બનાવટનો વિદેશી શરાબનો જથ્થો ઉતારી સંતાડી રાખ્યો હતો જે બાદ પોલીસે તલાશી લેતા ભારતીય બનાવટની વિદેશી શરાબની નાની મોટી કુલ ૨૪૯ બોટલ મળી કુલ ૨૬૫૦૦ નો મુદ્દામાલ કબ્જે કર્યો છે.
ક્રાઇમ બ્રાંચે પાડેલ દરોડામાં એક મહિલા બુટલેગર ગંગા બહેન ઉક્કડભાઈ વસાવાની ધરપકડ કરી હતી તેમજ મામલે ઉક્કડભાઈ મગનભાઇ વસાવા નામના બુટલેગરને વોન્ટેડ જાહેર કરી મામલે કાયદેસરની કાર્યવાહી હાથધરી છે.
હારુન પટેલ : ભરૂચ
મો. : 99252 22744
