ભરૂચ શહેરના બંબાખાના વિસ્તારમાં આવેલ ઈદગાહ મેદાન પાસેના એક જુના બંધ મકાનમાં આજે સવારના સમયે અચાનક આગ ફાટી નીકળતા આસપાસ ઉપસ્થિત લોકોમાં ભારે નાશભાગ મચી જવા પામી હતી, ઘટના અંગેની જાણ ભરૂચ નગરપાલિકાના ફાયર વિભાગમાં કરતા ફાયરના બે જેટલાં લાયબંબાઓ સ્થળ ઉપર દોડી ગયા હતા.
અચાનક મકાનમાં લાગેલ આગના પગલે એક સમયે સ્થળ ઉપર લોક ટોળા જામી ગયા હતા, જોકે ફાયરના જવાનો એ તાત્કાલિક ધોરણે આગની લપેટમાં આવેલ મકાન પર પાણીનો મારો ચલાવી તેને ગણતરીના સમયમાં કાબુમાં લેતા ઉપસ્થિત લોકોએ હાશકારો અનુભવ્યો હતો.
અત્રે ઉલ્લેખનીય છે કે એસ. પી કચેરી માર્ગ પર આવેલ આ મકાન અત્યંત જૂનું અને જર્જરીત હાલતમાં બંધ અવસ્થામાં હોય સદનસીબે સમગ્ર ઘટના ક્રમમાં કોઈ પ્રકારની જાનહાની થવા પામી ન હતી, જોકે મકાનમાં આંગને પગલે નુકશાનીનો અનુમાન લગાવાઈ રહ્યો છે.
Advertisement
