ભરૂચ જિલ્લામાં બેફામ બનેલા બુટલેગર તત્વો સામે પોલીસ વિભાગ એ તવાઈ બોલાવી છે, જિલ્લામાં છેલ્લા બે માસમાં અનેક સ્થળે પોલીસ વિભાગે દરોડા પાડી લાખોની માત્રાનો શરાબનો જથ્થો ઝડપી પાડી અનેક બુટલેગરોને જેલના સળિયા ગણતા કર્યા છે, તેવામાં વધુ એક બુટલેગર પોલીસના સંકજામાં આવ્યો છે.
પ્રાપ્ત માહિતી અનુસાર ભરૂચ જિલ્લાના નેત્રંગ તાલુકાના મૌઝા ગામ ખાતે નેત્રંગ પોલીસના કર્મીઓએ એક મકાનમાં દરોડા પાડ્યા હતા, જ્યાં મકાનના ઉપરના ભાગે સિમેન્ટની દીવાલ ઉભું કરી બનાવેલ ચોરખાનામાંથી હજારોની કિંમતનો ભારતીય બનાવટનો વિદેશી શરાબનો જથ્થો ઝડપી પાડયો છે.
નેત્રંગ પોલીસે મૌઝા ગામ ખાતે રહેતા બુટલેગર સંજય જગુભાઈ વસાવાની ધરપકડ કરી તેની પાસેથી ભારતીય બનાવટની વિદેશી શરાબ તેમજ બિયરના ટીન મળી કુલ 298 નંગ બોટલ મળી 29800 નો મુદ્દા્માલ નો કબ્જો મેળવી મામલે કાયદેસરની કાર્યવાહી હાથધરી છે.
