ભરૂચ જિલ્લાના નબીપુર ગામમાં એક એક્ટિવા બાઇકમાં અચાનક આગ ભભુકી ઉઠતા અફરાતફરી સાથે ભારે દોડધામ મચી જવા પામી હતી. પ્રાપ્ત માહિતી અનુસાર ગતરોજ મોડી સાંજે નબીપુર ગામમાં એક એક્ટિવા સવાર પોતાની ગાડી ઉપર ગામની ભાગોળેથી પસાર થઈ રહ્યો હતો તે સમયે ગાડીમાંથી ધૂમાડા નીકળતા ગામની ભાગોળે બેઠેલા ગ્રામજનોની નજર પડતા એક્ટિવા ચાલકને બૂમો પાડી ગાડી રાખવા જણાવ્યું હતું.
એક્ટિવા ચાલકે ગાડીમાંથી ધૂમાડો નીકળતો જોતા જ પોતાની બાઇક છોડીને દૂર ભાગી ગયો અને પછી જોતજોતામાં ગાડીમાંથી અગન જવાળાઓ નીકળવા લાગી જેને સ્થાનિકોએ પાણી અને રેતીની મદદથી હોલવી નાખી પણ ગાડીને મોટું નુકસાન થવા પામ્યું છે. સદનસીબે કોઇ જાનહાની ન સર્જાતા લોકોએ હાશકારો અનુભવ્યો હતો.
Advertisement
યાકુબ પટેલ, પાલેજ
