ભરૂચ જિલ્લાના નબીપુર પોલીસ મથકમાં પોલીસ સબ ઇન્સ્પેક્ટર કે. એમ. ચૌધરીની અધ્યક્ષતામાં શાંતિ સમિતિની બેઠક યોજાઇ હતી. આયોજિત શાંતિ સમિતિની બેઠકમાં નબીપુર પોલીસ મથકની હદમાં આવતા 33 ગામોના સરપંચો અને આગેવાનો ઉપસ્થિત રહ્યા હતા. આવનારા તહેવારો શાંતિમય માહોલમાં ભાઈચારા અને એકતામાં ઉજવાય તે બાબતે નબીપુરના પી.એસ.આઈ. એ ભાર મૂકયો હતો.
ભારત દેશમાં વિવિધ જાતિ અને ધર્મના લોકો વસે છે અને આવા તહેવારો થકી તેઓ એકબીજાની સમીપ આવે છે અને તહેબરોનો આનંદ માણે છે. આપણે પણ આ ખુશીના સમયે એકબીજાની સમીપ આવી તહેવારોનો આનંદ માણીએ. તહેવારો દરમ્યાન જો કોઈ સંદિગ્ધ વ્યક્તિ કે તેના કાર્ય પર શંકા ઉદ્દભવે તો તુરંત નજીકના પોલીસ સ્ટેશનમાં જાણ કરવા જણાવ્યું હતું.
Advertisement
