ભરૂચના લિમડી ચોક વિસ્તારનો યુવાન ફોન પર વાતો કરતો ચાલતો જઇ રહ્યો હતો. તે વેળાં અેક બાઇક પર અાવેલાં બે ગઠિયાઅો તેનો મોબાઇલ છીનવી નાસી છુટ્યાં હતાં. બનાવ સંદર્ભે બી ડિવિઝન પોલીસે ગુનો નોંધી તપાસ હાથ ધરી છે.
પોલીસ સુત્રોમાંથી મળતી માહિતી અનુસાર, ભરૂચ શહેરના લીમડીચોક વિસ્તારમાં રહેતો મુકેશ ફતેસિંગ વસાવા ગત 20મીઅે ચાલતો લિમડીચોકથી બંબાખાના તરફ જઇ રહ્યો હતો. તે ચાલતાં ચાલતાં ફોન પર વાતો કરી રહ્યો હતો. તે વેળાં અેક બાઇક પર સવાર બે યુવાનો પાછળથી અચાનક ધસી અાવતી તેના હાથમાંથી મોબાઇલ છીનવી ત્યાંથી નાસી છુટ્યાં હતાં. બનાવ સંદર્ભે મુકેશ વસાવાઅે ભરૂચ બી ડિવિઝન પોલીસ સ્ટેશને ફરિયાદ નોંધાવતાં પોલીસે ગુનો નોંધી અાગળની કાર્યવાહી હાથ ધરી છે..
Advertisement
