ભરૂચ જિલ્લાના વાલીયામાં આવેલ વિઠ્ઠલ ગામની સીમમાંથી કેબલ ચોરી થયેલ હોય જે કેબલ ચોરીના ગુનામાં સવા વર્ષથી નાસતા ફરતા આરોપીને સિલુડી ચોકડી ખાતેથી લોકલ ક્રાઈમ બ્રાન્ચ ભરૂચ પોલીસે ઝડપી પાડ્યો છે.
ભરૂચ એલ.સી.બી ના પી.આઈ ઉત્સવ બારોટ એ એલ.સી.બી.ના અધિકારી અને કર્મચારીઓને ભરૂચ જીલ્લાના તમામ પો.સ્ટે. માં નાસતા ફરતા આરોપીઓની માહિતી એકત્ર કરી આરોપીઓને શોધી કાઢવા માર્ગદર્શન આપેલ જે અન્વયે એલ.સી.બી. ની ટીમ વાલિયા પો.સ્ટે. વિસ્તારમાં પેટ્રોલિંગમા હતી દરમિયાન બાતમીના આધારે વાલિયા પો.સ્ટે. ચોરીના ગુનાનો આરોપી આકાશભાઈ રવજીભાઈ વસાવા રહે. આખાખોલ ગામ, ખજુરી ફળિયું તા.કામરેજ જી.સુરતનો છેલ્લા સવા વર્ષથી નાસતો ફરતો હોય જેને વાલિયાની સિલુડી ચોકડી ખાતેથી ઝડપી લઈ કાર્યવાહી કરી વધુ તપાસ અર્થે વાલિયા પો.સ્ટે. ખાતે સોપવામાં આવેલ છે.
Advertisement
