ભરૂચ લોકલ ક્રાઈમ બ્રાન્ચ દ્વારા અસામાજિક તત્વોને ઝડપી પાડવા એક્શન મોડમાં હોય જે દરમ્યાન પીએસઆઇ આર કે ટોરાણી ગત રાત્રિના પેટ્રોલિંગમાં હોય તે દરમિયાન સુરત જીલ્લાના કોસંબા પો.સ્ટે.ના ગુનાઓમાં છેલ્લા પાંચ મહિનાથી નાસતા ફરતા આરોપી (૧)પ્રકાશભાઇ રમેશભાઇ વસાવા રહે.ફાટા તળાવ વૈરાગી વાડ દશામાં મંદિર સામે ભરૂચ તા.જી. ભરૂચ (ર)મેહુલ ઉર્ફે વીલીયમસન બાબુભાઇ પરમાર રહે ૧૩૮૭ સુર્યનારાયણ સોસાયટી ભરૂચ તા.જી. ભરૂચને એલ.સી.બી ની ટીમે ઝડપી પાડયા છે. બંને આરોપી વિરુદ્ધ ક્રિમિનલ પ્રોસીજર કોડ મુજબ ગુનો નોંધી કાર્યવાહી હાથ ધરી ભરૂચ એ ડિવિઝન પો.સ્ટે. તથા સી ડીવીઝન પો.સ્ટે. માં સોંપવામાં આવેલ છે.
અત્રે ઉલ્લેખનીય છે કે ભરૂચ જિલ્લામાં વિવિધ સ્થાને બિલાડીની ટોપની જેમ બુટલેગરો સક્રિય થયા છે, ખાસ કરી દેશી અને વિદેશી દારૂની જાણે કે રેલમ છેલ જોવા મળતી હતી, કહેવાય છે કે ભરૂચમાં માંગો તે બ્રાન્ડનો દારૂ મળી જતો હતો જોકે છેલ્લા કેટલાક સમયથી પોલીસ વિભાગની સતત બુટલેગરો સામેની લાલ આંખે હવે નશાના વેપલો ધમધમાવતા તત્વોની ઊંઘ હરામ કરી છે અને તેઓને ઝડપી લઈ જેલાના સળીયા ગણતા કર્યા છે.
