ભેસલી ગામેથી એક બુટલેગરને વિદેશી દારૂના જથ્થા સાથે ભરૂચ એલ સી બી પોલીસે ઝડપી પાડયો…
ભરૂચ એલ સી બી પોલીસે દહેજ પોલીસ મથકની હદમાં આવતા ભેસલી ગામેથી દારૂનો ગેરકાયદેસર વેપલો કરતા એક બુટલેગરને ઝડપી પાડતા દારૂનો ગેરકાયદેસર વેપલો કરતા બુટલેગરોમાં ફફડાટ વ્યાપી જવા પામ્યો છે. પોલીસ સૂત્રોમાંથી પ્રાપ્ત માહિતી અનુસાર એલ.સી.બી ટીમ દહેજ પોલીસ મથક વિસ્તારમાં પેટ્રોલીંગમાં હતી તે દરમિયાન બાતમી મળી હતી કે ભેસલી ગામમા મસ્જીદ ફળીયામા રહેતા ઉસ્માન મુસા પટેલનાએ ભારતીય બનાવટનો વિદેશી દારુ પોતાના ઘર પાસે સંતાડેલો છે. જે બાતમીના આધારે પોલીસે રેઈડ કરતાં આરોપીના ઘરની પાછળ આવેલ બાથરૂમમાં સંતાડી રાખેલ ભારતીય બનાવટના વિદેશી દારુના બોક્સ નંગ ૧૦ કુલ્લે બોટલ નંગ ૧૨૦ તથા અંગઝડતીના રોકડા રૂપિયા સહીત ફૂલ કિંમત રૂપિયા ૪૪,૪૦૦/- ના મુદ્દામાલ ઝડપી પાડી આરોપી વિરુધ્ધ પ્રોહીબીશન એક્ટ હેઠળ દહેજ પોલીસ મથકના સોંપવામાં આવ્યો છે…
