કેમેરાનો સામનો કરવા માટે ખૂબ જ ઉત્સાહિત!’: સોનમ કપૂર
બોલિવૂડ સ્ટાર સોનમ કપૂર આવતા વર્ષની શરૂઆતમાં તેની પ્રેગ્નન્સી પછી તેના પ્રથમ પ્રોજેક્ટનું શૂટિંગ શરૂ કરવા તૈયાર છે. આ વૈશ્વિક પ્લેટફોર્મ પર સ્ટ્રીમિંગ પ્રોજેક્ટ હશે. જો કે, આ પ્રોજેક્ટ વિશેની વધારાની વિગતો ટૂંક સમયમાં જાહેર કરવામાં આવશે.
સોનમે કન્ફર્મ કર્યું કે, “મારી પ્રેગ્નન્સી પછી ફરી કેમેરાનો સામનો કરવા માટે હું ખૂબ જ ઉત્સાહિત છું. મને એક અભિનેતા બનવું અને મારા વ્યવસાય દ્વારા ઘણા રસપ્રદ પાત્રો જીવવાનું પસંદ છે. માણસોએ હંમેશા મને આકર્ષિત કર્યો છે અને મને અલગ-અલગ ભૂમિકાઓ ભજવવી ગમે છે. હું મારા આગામી પ્રોજેક્ટની આતુરતાથી રાહ જોઈ રહી છું.”
તેણે કહ્યું, “હું આવતા વર્ષની શરૂઆતમાં સેટ પર પરત ફરીશ. આ પ્રોજેક્ટની વિગતો હજુ ફાઈનલ થઈ રહી છે, તેથી હું તેના વિશે વધુ માહિતી આપી શકું તેમ નથી. આ એક મોટો પ્રોજેક્ટ છે. હું અત્યારે એટલું જ કહી શકું છું.”
