નર્મદા મૈયા બ્રિજ પર જાહેરનામાના ભંગ :એકની અટકાયત કરતી અંકલેશ્વર શહેર બી ડિવિઝન પોલીસ
ભરૂચ જિલ્લામાં કલેકટર દ્વારા જાહેરનામુ બહાર પાડવામાં આવ્યું છે, કે નર્મદા મૈયા બ્રિજ પરથી ઓગસ્ટ મહિનાથી નવેમ્બર મહિના સુધી કોઈપણ પ્રકારના ભારે વાહનોએ પસાર થવું નહીં તેમ છતાં ગઈકાલે એક ટેમ્પો ચાલક નર્મદા મૈયા બ્રિજ પરથી પસાર થતાં અંકલેશ્વર શહેર બી ડિવિઝન પોલીસે ઝડપી લીધો છે.
આ બનાવની પ્રાપ્ત વિગતો અનુસાર ભરૂચ જિલ્લામાં ડિસટીક મેજિસ્ટ્રેટ દ્વારા જાહેરનામું બહાર પાડવામાં આવ્યું છે જેમાં તા. 1 /8 /2024 થી તારીખ 4/ 11/ 2024 સુધી ત્રણ મહિના માટે નર્મદા મૈયા બ્રિજ પરથી ભારે વાહનો ટ્રક ટેમ્પો ટ્રેક્ટર ની અવરજવર પર પ્રતિબંધ મૂકવામાં આવ્યો છે આથી આ પ્રતિબંધના પગલે ગઈકાલે અંકલેશ્વર શહેર બી ડિવિઝન પોલીસ પેટ્રોલિંગમાં હતી તે સમયે એક ટેમ્પો ચાલક દ્વારા સફેદ કલરની તથા વાદળી કલરનો આઇસર ટેમ્પો બ્રિજ પરથી પસાર થયો હોય નર્મદા મૈયા બ્રિજ પરથી પસાર થતા અંકલેશ્વર શહેર બી ડિવિઝન પોલીસે તેની અટકાયત કરી તપાસ હાથ ધરી હતી આથી ટેમ્પો ચાલક રામવીર સિંહ રામરાજી સિંહ તેમનો ટેમ્પો નંબર જીજે -04- aw-6256 બ્રિજ પરથી પસાર થતાં અંકલેશ્વર શહેર બી ડિવિઝન પોલીસે તેને અટકાયત કરી જાહેરનામાના ભંગ બદલ કાયદેસરની કાર્યવાહી હાથ ધરેલ છે.
