અંકલેશ્વર શહેર બી ડિવિઝન પોલીસે નેશનલ હાઇવે 48 પર માંડવા ટોલનાકા નજીકથી ક્રૂરતાપૂર્વક લઈ જવાતા 62 બકરાઓને મુક્ત કરવામાં આવ્યાં હતાં.
Advertisement
અંકલેશ્વર શહેર બી ડિવિઝન પોલીસ મથકે થી મળતી માહિતી મુજબ પોલીસને બાતમી મળી હતી કે હાઇવે પર પશુઓની ક્રૂર રીતે હેરાફેરી થઈ રહી છે. જે બાતમીના આધારે ટોલ પ્લાઝા નજીક વોચ ગોઠવવામાં આવી હતી. ત્યારબાદ શંકાસ્પદ ટ્રક નંબર GJ 24 V 8648ને રોકીને તપાસ કરવામાં આવી હતી. ટ્રકમાંથી ક્રૂરતાપૂર્વક બાંધેલી હાલતમાં 62 બકરા મળી આવ્યા હતા.
પોલીસે ટ્રક ચાલક પાટણના સિદ્ધપુર વિસ્તારનો રહેવાસી કમરૂદ્દીન મયુદ્દીન નાગોરીની ધરપકડ કરી હતી. બકરા ભરાવનાર આરોપી મહેદીઅલીને વોન્ટેડ જાહેર કરવામાં આવ્યો હતો આરોપીઓ વિરુદ્ધ પશુ ક્રૂરતા અધિનિયમ હેઠળ ગુનો નોંધી કાયદેસરની કાર્યવાહી શરૂ કરવામાં આવી હતી
