કુલ 23 લાખના મુદામાલ સાથે બે ની ધરપકડ
ભરૂચ.
Advertisement
ભરૂચ શ્રવણ ચોકડી પર ગૌરક્ષકોએ કતલખાને લઈ જવાતી ભેંસો ભરેલ આઇસર ટ્રકને અટકાવી હતી. જીવદયા પ્રેમીઓ વિકાશ કાયસ્થ, વિશાલ વણકર, દાના ભરવાડે આ અંગે ભરૂચ એ ડિવિઝન પોલીસને જાણ કરી હતી. પોલીસ કાફલો સ્થળ પર દોડી આવતા ટ્રકમાં ક્રૂરતાપૂર્વક બાંધેલી 16 ભેંસો મળી આવી હતી.
જે અંગે ઝડપાયેલા વલણના ડ્રાઈવર યુનુસ મઠીયા અને ક્લિનર પીરૂશા દિવાનને પૂછતાં સાપા ગામના સમીર પટેલે આ ભેંસો ભરી આપી હોવાનું કહ્યું હતું. જેને બોરસદ ચોકડીથી ભરી મહારાષ્ટ્ર લઈ જવાય રહી હતી.પોલીસે 8 લાખની કિંમતની 16 ભેંસોને બચાવી, ટ્રક, બે મોબાઈલ મળી 23 લાખ ઉપરાંતનો મુદામાલ કબ્જે કર્યો હતો. સાથે પ્રાણી ક્રૂરતા નિવારણ કાયદા હેઠળ આગળની કાર્યવાહી એ ડિવિઝન પોલીસે હાથ ધરી હતી.
