ઝાંમ્બિયાથી ભરૂચ અને ભરૂચથી સુરત લઇ જવાતા હવાલાના 40.35 લાખ સાથે ત્રણ ઝડપાયાં

શ્રી સંદીપસિંહ, પોલીસ મહાનિરીક્ષક, વડોદરા વિભાગ, વડોદરા તથા શ્રી મયુર ચાવડા, પોલીસ અધિક્ષક, ભરૂચ નાઓની સુચના અને માર્ગદર્શન આધારે, પો.ઇન્સ.શ્રી એ.એ.ચૌધરી નાઓએ પોતાની ટીમને એ.ટી.એસ. ચાર્ટર મુજબની કામગીરી તેમજ ગેરકાયદેસર હવાલા પકડી તેઓ વિરૂધ્ધ કાર્યવાહી કરવા સુચના આપતા….
એ.એસ.આઇ. ગજેન્દ્રસિંહ જેણસિંહ નાઓને બાતમીદારથી આધારભુત રીતે માહીતી મળેલ કે “એક ગ્રીન ડાર્ક કલરની જ્યુપીટર ઉપર બે ઇસમો શંકાસ્પદ રોક્ડ રકમ લઈ દેત્રોલગામ તરફ જનાર છે” જે બાતમી આધારે વોચ રહી કરમાડગામ તરફથી બાતમીના વર્ણન મુજબની એક ગ્રીન ડાર્ક કલરની જ્યુપીટર લઈ બે ઇસમો આવતા તેઓને રોકી ચેક કરતા ડીકીમાંથી મળી આવેલ રોકડા રૂપિયા ૪૦,૩૫,૩૦૦/- મળી આવેલ જે બાબતે કોઈ સંતોષકારક જવાબ ન આપતા બન્ને ઇસમો ગલ્લા તલ્લા કરી ઉડાવ જવાબ આપેલ જેથી મળી આવેલ રોકડ રકમ બન્ને ઇસમોએ ચોરી કે છળકપટ કરી મેળવેલ હોવાનુ જણાઇ આવતા BNSS-૧૦૬ મુજબ કબ્જે કરવામાં આવેલ તેમજ સદર ઇસમોને BNSS કલમ- ૩૫(૧)ઇ મુજબ અટક કરી પ્રાથમિક પુછપરછ કરતા આરોપી હુજેફા અલ્તાફ યાકુબ પટેલના મિત્ર સાકીર હુશેન પટેલ નાઓ પાસે વિદેશથી ગેરકાયદેસર રીતે હવાલાના નાણા આવતા હોય જે નાણા ચોરી કરવા માટે હુજફાએ તેના બીજા મિત્રો ઝકરીયા ઇદ્રીશ પટેલ તથા મહમદ જાવેદ પટેલ નાઓ સાથે પ્લાન બનાવી હુજેફાએ તેના મિત્ર સાકીરનુ વોટ્સએપ વેબ એપ્લીકેશનથી મોબાઇલ હેક કરી લઇ તેના બધા મેસેજનુ ધ્યાન રાખતો હતો અને ઉપરોક્ત હવાલાના નાણા તા.૧૪/૦૭/૨૦૨૫ ના રોજ બપોરના સમયે ઝકરીયા ઇદ્રીશ પટેલ ના ભાઇ અફઝલ ઇદ્રીશ પટેલની અલ કસવા નામની કાપડની દુકાને આવનાર હોય જે અંગેની માહિતી હુજેફા અલ્તાફ યાકુબ પટેલને તા.૧૩/૦૭/૨૦૨૫ ના રોજ જાણ થતા ત્રણેય આરોપીઓએ આ માહિતી આધારે ઉપરોક્ત નાણા ચોરી કરવા માટે પ્લાન બનાવી પ્લાન આધારે તા.૧૪/૦૭/૨૦૨૫ ના રોજ બપોરના સમયે અલ કસવા દુકાનની સામે ભેગા થઈ હવાલાના નાણાની હેરાફેરી થતા ઇકો ગાડી નં. GJ 19 BA 0531 નો પીછો કરી અંકલેશ્વર હોટલ લોર્ડ્સ પ્લાઝા ની બાજુમાં આવેલ ઓમકાર-૨ કોમ્પલેક્ષના પાર્કીંગમાથી ઇકોની ડીકીમાં મુકેલ હવાલાના નાણા રૂ.૪૮ લાખ નજર ચુકવી ચોરી કરી નાશી છુટેલ જે પૈકી રૂ.૪૦,૩૫,૩૦૦/- તથા મોબાઇલ ફોન નંગ-૦૨, કિં.રૂ.૧૦૦૦૦/- તથા જ્યુપીટર ગાડી નં.GJ-16-DF-2582 કિં.રૂ.૨૫,૦૦૦/- મળી કુલ કિ.રૂ.૪૦,૭૦,૩૦૦/- એસ.ઓ.જી. પોલીસ દ્વારા કબજે કરવામાં આવેલ અને પ્રાથમિક પુછપરછ કરતા આ ચોરી કરેલ હવાલાના રૂપિયા મૌલવી મુસા આદમ રંદેરા(વોરા પટેલ) નાઓના હોય અને તેઓએ કોઇ લેખિત કે મૌખિક રજુઆત કરેલ ન હોય પરંતુ એસ.ઓ.જી. પોલીસની ઉપરોક્ત પ્રાથમિક હકિકત જણાઇ આવેલ હોય અને આ મૌલવી મુસા આદમ રંદેરા(વોરા પટેલ) નાઓ છેલ્લા ૨૫ વર્ષથી ઔરંગાબાદ મદ્રેસામાં કામ કરી રહયા છે અને મૌલવીના પિતરાઇ ભાઇ જાહીદ ખાલીદ નોમાની નાઓએ ઝામ્બીયા (સાઉથ આફ્રીકા) થી મોકલેલ અને ભારતમાં સાકીર હુશેન પટેલ, રહે.એ-૪૨ હુશેનીયા-૩, APMC માર્કેટની સામે, મહમદપુરા રોડ, ભરૂચ માફરતે અલ કસવા નામની કાપડની દુકાનએથી અફઝલ ઇદ્રીશ પટેલએ મૌલવી મુસા આદમ રંદેરા(વોરા પટેલ) ને ચુકવેલાની હકિકત જણાઇ આવેલ. આમ ઉપરોક્ત ઇસમો દ્વારા લાંબા સમયથી હવાલાના રેકેટ ચલાવતા હોવાની હકિકત જણાઇ આવેલ છે.