વાંકલ
માંગરોળ તાલુકા ના વાંકલ ખાતે આવેલ એન ડી દેસાઈ સાર્વજનિક હાઈસ્કૂલમાં ફરજ બજાવતા હિતેશ પંચાલ શિક્ષક તરીકે ફરજ બજાવે છે. તેમની શિક્ષણ ક્ષેત્રે ઉત્કૃષ્ટ કામગીરી બદલ રાજ્ય સરકાર દ્વારા દર વર્ષે “શ્રેષ્ઠ શિક્ષક પારિતોષિક” એનાયત કરવામાં આવે છે.વર્ષ 2025 માટે સુરત જિલ્લા અને તાલુકા કક્ષાના કુલ 8 શિક્ષકોની પસંદગી કરવામાં આવી છે.
જેમાં વાંકલ ગામની એન.ડી. દેસાઈ સાર્વજનિક હાઈસ્કૂલના મદદનીશ શિક્ષક હિતેશ.સી. પંચાલનો સમાવેશ થવાથી સમગ્ર વિસ્તારમાં હર્ષનો માહોલ છે. જિલ્લા કક્ષાના ‘શ્રેષ્ઠ શિક્ષક’ એવોર્ડ માટે માધ્યમિક વિભાગમાં હિતેશ પંચાલની પસંદગી કરવામાં આવી છે.તેમના સતત પ્રયત્નો,નવીન શૈક્ષણિક પદ્ધતિઓ અને વિદ્યાર્થીઓ પ્રત્યેની નિષ્ઠા ને પગલે આ સન્માન મળ્યું છે.શ્રેષ્ઠ શિક્ષક તરીકે પસંદગી પામતા ટ્રસ્ટી પ્રમુખ સંજયભાઈ દેસાઈ, પ્રવીણભાઈ દેસાઈ, શાળાના આચાર્ય પારસ મોદી,ટ્રસ્ટી મંડળ તેમજ શાળા પરિવારે અભિનંદન પાઠવ્યા છે.
