ભરૂચ
ભરૂચ જિલ્લાના લુવારા ગામ પાટિયા નજીક, નેશનલ હાઇવે નં. 48 પર ભયાનક ટ્રિપલ અકસ્માત સર્જાયો હતો. વડોદરા તરફથી સુરત તરફ જતા લેનમાં બે લક્ઝરી બસો અને એક ટ્રક સામસામે અથડાતા ઘમાસાણ સર્જાયું હતું. ટ્રકનું ટાયર ફાટી જતા ડ્રાઇવરે ટ્રક પરનો કાબૂ ગુમાવ્યો હતો. પરિણામે ટ્રક સીધો બંને લક્ઝરી બસોને અડફેટે લઈ ગયો હોવાનું અનુમાન કરવામાં આવી રહ્યું છે. ઘટનાને પગલે માર્ગ પર ટ્રાફિકજામની સ્થિતિ ઉભી થઈ હતી. અકસ્માતમાં કેટલી જાનહાની કે ઇજા થઈ છે તેની વિગત હજુ સત્તાવાર રીતે જાહેર કરવામાં આવી નથી. સ્થાનિક પોલીસ અને રાહત ટીમે ઘટનાસ્થળે પહોંચી કામગીરી શરૂ કરી છે.
Advertisement
