ઉમરપાડા (સુરત) સગીર વયની બાળકીના અપહરણના ગુનામાં મુખ્ય આરોપી સહિત ત્રણ જણાની ધરપકડ, પોલીસે કાયદેસર કાર્યવાહી હાથ ધરી

સુરત જિલ્લાના ઉમરપાડા તાલુકામાં સગીર વયની એક યુવતીને લગ્નના લાલચે અપહરણ કરવાની ગંભીર ઘટના સામે આવી છે. ઉમરપાડા પોલીસે ઝડપી કામગીરી કરતાં મુખ્ય આરોપી સહિત ત્રણ આરોપીઓની ધરપકડ કરી ગુનાની સઘન તપાસ શરૂ કરી છે. સુરજ ઈશ્વર નાઈક નામનો યુવક ઉંમરનો લાભ લઈ સગીર દીકરીને લલચાવી-ફોસલાવી તેને લગ્ન કરવાની લાલચ આપી પોત સાથે લઈ ગયો હતો. આ ઘટનામાં સુરજને મદદ કરનાર અન્ય ત્રણ આરોપીઓ –ઈશ્વર કુશા નાઈક, કુંવરસીંગ પાડવી અને એક અન્ય શખ્સ, ત્રણે મહારાષ્ટ્ર રાજ્યના સોનાપાટી ગામના રહેવાસી હોવાનું  છે. અપહરણની ઘટના બાદ પીડિતાના પરિવારજનો દ્વારા ઉમરપાડા પોલીસ મથકે ફરિયાદ નોંધાવવામાં આવી હતી. ફરિયાદના આધારે પોલીસે IPC તથા પોક્સો એક્ટ હેઠળ ગુનો નોંધી તત્કાળ તપાસ શરૂ કરી હતી. વિવિધ સ્ત્રોતો અને ટેકનિકલ સહાયથી આરોપીઓનો પીછો કરતા પોલીસે તેમને મહારાષ્ટ્રથી ઝડપી પાડ્યા છે. હાલ ઉમરપાડા પોલીસ આરોપીઓ વિરુદ્ધ કાયદેસરની કાર્યવાહી કરી રહી છે