નવમાં માળે આવેલી એક લેબર સપ્લાયરની દૂકાનમાં આગ ભભુકી હતી
। ભરૂચ ।
ભરૂચના જૂના નેશનલ હાઈવે પર એબીસી સર્કલ પાસે આવેલાં ગોલ્ડન સ્કવેર શોપિંગ સેન્ટરમાં નવમાં માળે આવેલી એક લેબર સપ્લાયરની ઓફિસમાં અચાનક કોઈ કારણસર આગ ભભુકી ઉઠી હતી. આગ લાગવાથી ઉડેલાં ધૂમાડાને લઈને ફ્લોર પર આવેલી અન્ય ઓફિસોમાં કામ કરતાં લોકોમાં ફફડાટ ફેલાયો હતો. લોકો તુરંત ઓફિસમાંથી બહાર નિકળી આવી નીચે ઉતરવા દોડી ગયાં હતાં. ઘટનાની જાણ થતાં ભરૂચ નગરપાલિકાના લાશ્કરો તુરંત સ્થળ પર દોડી આવ્યા હતાં. પાણીનો મારો ચલાવી આગ પર કાબુ મેળવ્યો હતો. સદનશીબે ઘટનામાં કોઈને જાનહાની થઈ ન હતી. ફાયર વિભાગની ટીમે આગ પર કાબુ મેળવી આગ લાગવાનું ચોક્કસ કારણ જાણવા માટેનો પ્રયાસ કર્યો હતો.જોકે, પ્રાથમિક તબક્કે શોર્ટસર્કિટ થવાને કારણે આગ લાગી હોવાનું અનુમાન લગાવાઈ રહ્યું છે.
