ભરૂચની નામાંકિત હોસ્પિટલ સનસાઇન ગ્લોબલ હોસ્પિટલનાં તબીબ ડૉ.આરીફ મીથવાનીએ મુંબઈના તબીબની ડિગ્રીની નકલ કરી નામ ફેર કરી હૉસ્પિટલમાં તબીબ તરીકે ફરજ બતાવીને લોકોનાં જીવ સાથે ચેડાં કરતાં શહેર પોલીસ મથકમાં ફરિયાદ દાખલ થઈ છે. ભરૂચમાં તબીબની ડિગ્રી મામલે વિવાદ થતાં મામલો પોલીસ મથક સુધી પહોંચી ગયો હતો. જેમાં શહેર એ ડીવીઝન પોલીસ મથકમાં નોંધાવેલી ફરિયાદમાં મૂળ આમોદનાં નાહિયેર ગામનાં રહીશ પ્રકાશ નરસિંહભાઈ પટેલએ આપેલી ફરિયાદમાં ભરૂચની પાંચબત્તી ખાતે આવેલ સનસાઇન ગ્લોબલ હૉસ્પિટલમાં તેમના માતૃશ્રીને ડેંગ્યુ થતાં ઈમરજન્સીમાં ડૉ.સુનિલ શાહ દ્વારા ટ્રાન્સફર કરવામાં આવતા ત્યાં ડૉ.આરીફ મીથવાનીએ સારવાર કરી હતી જોકે પ્રકાશભાઈની માતાશ્રીનું હૉસ્પિટલમાં સારવાર દરમ્યાન મોત થતાં આ મામલે પાલિકામાંથી મરણનો દાખલો લેવા માટે ડૉ.આરીફ દ્વારા સહી સિકકા કરી આપવામાં આવતા તેમની તબીબી ડિગ્રી અને શંકા જતાં તપાસ કરતાં તેઓની આ ડિગ્રી નહીં હોવાનું બહાર આવ્યું હતું. આરીફ મીથવાનીએ મુંબઈના તબીબ ફૈઝલ રહેમાનખાનનું MBBS નું પ્રમાણપત્ર મેળવી લઈને પોતાનું નામ મીથવાની આરીફ અલી હોવા છતાં અફીડેવિટ કરીને ગેઝેટમાં મીથવાની ફૈઝલ હૈદર અલીનાં નામે પ્રસિદ્ધ કરીને પોતાને તબીબ તરીકે પ્રસ્તાપિત કરીને ભરૂચની ગ્લોબલ હૉસ્પિટલમાં તબીબ તરીકે ફરજ બતાવી લોકોનાં જીવ સાથે ચેડાં કર્યા હતા. જયારે મુંબઈના તબીબ ફૈઝલ રહેમાન ખાનએ પણ પોતાની ડિગ્રીનું પ્રમાણપત્ર જે તે સમયે ચોરી થયું હતું અને આરીફ મીથવાની તેમણે જે હૉસ્પિટલમાં સાથે રહેતા હતા ત્યારે જ આ પ્રમાણપત્રની ચોરી થઈ હોવાનું પ્રકાશભાઈને જણાવતા તેમણે ડૉ.આરીફ મીથવાની સામે ભરૂચ શહેરએ ડીવીઝન પોલીસ મથકમાં ફરિયાદ દાખલ કરાવી છે.
