ભાવનગર શહેરના કરચલીયા પરા વિસ્તારમાં મંદિર પાસે જાહેરમાં જુગાર રમી રહેલા 5 શખ્સોને પોલીસે ઝડપી લીધા હતા. પોલીસે તમામ સામે કાયદેસરની કાર્યવાહી હાથ ધરી હતી.
સમગ્ર બનાવ અંગે ગંગાજળીયા પોલીસ મથકેથી મળતી માહિતી મુજબ સ્ટાફના માણસો ભાવનગર શહેર વિસ્તારમાં પેટ્રોલીંગમાં હતાં. તે દરમિયાન બાતમીદારોએ ચોક્કસ બાતમી આપી હતી કે, શહેરના કરચલીયા પરા વિસ્તારમાં આવેલ હેઠાળ ફળી મંદિર બહાર ખુલ્લી જગ્યામાં ગોળ કુંડાળુ વાળી જાહેર જગ્યામાં કેટલાક શખ્સો પૈસા-પાના વડે તિનપત્તિનો હારજીતનો જુગાર રમે છે જે હકીકત આધારે ટીમે સ્થળપર રેડ કરી 5 ઈસમોને અટકમાં લઈ નામ-સરનામાં પુછ્યા હતા.
ઝડપાયેલા શખ્સોમાં આલોક સતીષભાઈ મકવાણા, ગોપાલભાઈ મનજીભાઈ પરમાર, નવદીપ દેવેશભાઈ વાઘેલા, રવી ઉર્ફે ગાંધી મનસુખભાઈ ચુડાસમા તથા આકાશ સુરેશભાઈ સોલંકી રહે.તમામ ભાવનગર વાળાઓને જુગારના પટમાં પડેલ રોકડા રૂપિયા 15,570 સાથે ઝડપી લઈ તમામ શખ્સો નિલમબાગ પોલીસ સ્ટેશનમાં જુગારધારા એક્ટ-12 મુજબ ગુનો નોંધી વધુ તપાસ હાથ ધરી હતી.
