છોટાઉદેપુરનાં ધારાસભ્ય મોહનસિંહ રાઠવાને ૨૦૧૯ નાં વર્ષનાં શ્રેષ્ઠ ધારાસભ્ય તરીકે સન્માનિત કરાયા.

છોટાઉદેપુરના ધારાસભ્ય મોહનસિંહ રાઠવાનું ગુજરાત વિધાનસભાના ૨૦૧૯ ના વર્ષના શ્રેષ્ઠ ધારાસભ્ય તરીકે બહુમાન કરવામાં આવ્યુ છે.મુખ્યમંત્રી વિજયભાઇ રૂપાણી અને અન્ય મહાનુભાવોની ઉપસ્થિતિમાં ૧.૫ કિલોની ચાંદીની વિધાનસભાની પ્રતિકૃતિ આપીને તેઓને સન્માનિત કરાયા હતા. ઉલ્લેખનીય છે કે મોહનસિંહ રાઠવા પૂર્વ મુખ્યમંત્રી ચીમનભાઈ પટેલના સમયથી વિધાનસભામાં ચુંટાતા રહ્યા છે. તેઓએ લાંબી ટર્મ માટે જેતપુરપાવી વિધાનસભા બેઠકનું પ્રતિનિધિત્વ કર્યુ હતુ. બાદમાં તેઓ છોટાઉદેપુર બેઠક પરથી ચુંટાયા હતા. તેઓ અગાઉની સરકારોમાં વિવિધ ખાતાઓ સાથે મંત્રી પદે પણ રહ્યા હતા. તેમને ૨૦૧૯ ના વરિષ્ઠ શ્રેષ્ઠ ધારાસભ્ય તરીકે સન્માનિત કરાતા છોટાઉદેપુર જિલ્લાની જનતામાં આનંદ ફેલાયેલો દેખાય છે.

ગુલામહુશેન ખત્રી રાજપારડી જિ.ભરૂચ