છોટાઉદેપુર જિલ્લાના બોડેલી તાલુકાનાં જુની બોડેલી ગામે રસ્તા પર થયેલા કથિત દબાણના મુદ્દે આજે જમીન માલિક કપડા કાઢીને રોડ પર ઉતરી આવ્યા હતા. મળતી વિગતો મુજબ બોડેલીના જુની બોડેલી વિસ્તારમાં આવેલ મહાવીર જીન પાછળના સર્વે નંબર ૧૭૦ બાબતે વિવાદ જોવા મળી રહ્યો છે. જમીન માલિક દિનેશ નાગરના જણાવ્યા મુજબ તેમણે ફી ભરીને માપણી કરાવવાની માંગણી કરવા છતાં કોઇ કાર્યવાહી નથી થઇ. તેમના કહેવા મુજબ અહિં સરકારી રસ્તા પર દબાણ થયુ છે અને જવાબદાર અધિકારીઓને રજુઆત કરવા છતાં કોઇ પરિણામ આવ્યુ નથી. આ કથિત દબાણના પ્રશ્ને તેઓ આજે કપડા ઉતારી રોડ પર ઉતર્યા હતા અને આ રસ્તો બે ગામોને જોડતો રસ્તો હોઇ જો તેનો કોઇ ઉકેલ નહિં આવે તો તેઓએ ઉપવાસ પર ઉતરવાની ચીમકી ઉચ્ચારી હતી.
ગુલામહુશેન ખત્રી રાજપારડી જિ.ભરૂચ
Advertisement
