ભરૂચ : ગંધાર પેટ્રોકેમિકલ્સ કર્મચારી યુનિયન દ્વારા દહેજ ખાતે કોવિડ હોસ્પિટલ ઊભી કરવા મુકેશ અંબાણીને રજુઆત કરવામાં આવી.

ભરૂચ જીલ્લાનાં દહેજ ઔદ્યોગિક ક્ષેત્રે વિકાસ પામેલ વિસ્તારમાં કોરોનાની સારવાર અંગે કોઈ હોસ્પિટલ નથી. જેથી ગંધાર પેટ્રોકેમિકલ્સ કર્મચારી યુનિયન આઈ.પી.સી.એલ. દહેજ દ્વારા ઉદ્યોગપતિ મુકેશ અંબાણીને પત્ર લખી આ વિસ્તારમાં અદ્યતન કોવિડ હોસ્પિટલ ઊભી કરવા અંગે વિનંતી કરવામાં આવી છે. શ્રી નીલમકુમાર વાલેચા સાહેબ, સાઇટ પ્રેસિડેન્ટ ડી.એમ.ડી. દહેજ દ્વારા લખાયેલ પત્રમાં જણાવ્યુ છે કે દહેજ ઔદ્યોગિક વિસ્તાર તેમજ આજુબાજુનાં ગામોનાં રહીશો જયારે કોરોના જેવી મહામારીથી પીડાય છે ત્યારે સારવાર અર્થે 150 કી.મી. દૂર વડોદરા ખાતે જવું પડે છે જેથી અઘટિત ઘટના બને છે. જેથી મુકેશ અંબાણી જેવા અગ્રણી ઉદ્યોગપતિને દહેજ વિસ્તારમાં અદ્યતન કોવિડ હોસ્પિટલ ઊભી કરવા પોતાનું પ્રદાન આપવા રજૂઆત કરવામાં આવી છે. ગંધાર પેટ્રોકેમિકલ્સ કર્મચારી યુનિયનનાં પ્રમુખ તરીકે મહેશભાઇ પરમાર પણ જનહિતના કર્યો કરી રહ્યા છે.