ચાર કામદારો ગંભીર રીતે દાઝી ગયા….
ખાનગી હોસ્પિટલમાં ચાર કામદારો સારવાર અર્થે દાખલ…
ભરૂચ જિલ્લાનાં દહેજ ઔધ્યોગિક વિસ્તારમાં આવેલ હિમાની કેમીકલ ઈન્ડસ્ટ્રીઝ લીમીટેડ માં ગત રાત્રીના સમયે આગ ભભુકી ઉઠી હતી. જેના પગલે પાંચ કામદારો ગંભીર રીતે દાઝી ગયા હતા.જેમને સારવાર અર્થે સૌ પ્રથમ સિવિલ હોસ્પિટલ ખાતે અને ત્યાર બાદ ખાનગી હોસ્પિટલ ખાતે ખસેડવામાં આવ્યા હતા. જ્યા એક કામદારનું સારવાર દરમ્યાન મૌત નિપજ્યું હતુ. આ બનાવ અંગે દહેજ પોલીસ સ્ટેશનનાં સુત્રો એ જણાવ્યું હતુ કે ગત રોજ રાત્રીના ૯ વાગ્યે ફોર્ક્લીપ વાહન દ્વારા કચરા ભરેલ ડ્રમ નું વહન કરાતુ હતુ. ત્યારે અચાનક સ્પાર્ક થતા એટલે કે તણખો જરતા આગ ભભુકી ઉઠી હતી.જેમાં બાબુલાલ સોજીરામ બેરવા, અશોક લાલજી પરમાર, પપ્પુ સોજીરામ બેરવા, સંતોષ કુમાર મણીલાલ માંડવ, અને સુમન કુમાર મંટુપાસવાન ગંભીર રીતે દાઝી ગયા હતા જેમને સારવાર અર્થે સૌ પ્રથમ સિવિલ હોસ્પિટલ અને ત્યાર બાદ ખાનગી હોસ્પિટલમાં દાખલ કરાતાં સારવાર દરમ્યાન પપ્પુ સોજીરામ બેરવા નું મૌત નિપજ્યુ હતુ.
