આગામી વિધાનસભા સામાન્ય ચૂંટણી ૨૦૨૨ અંતર્ગત તા. ૦૩ ઓક્ટોબર ૨૨ ના રોજ દેડીયાપાડા પ્રાંત કચેરી ખાતે ૧૪૯-દેડીયાપાડા વિધાનસભા મતવિભાગના ચૂંટણી અધિકારી અને પ્રાંત અધિકારી આનંદ ઉકાણી, નાયબ જિલ્લા ચૂંટણી અધિકારી જીજ્ઞાબેન દલાલની ઉપસ્થિતિમાં ઝોનલ ઓફીસર અને મદદનીશ ઝોનલ ઓફીસરની તાલીમ અને બેઠક યોજાઈ હતી.
દેડીયાપાડાના ચૂંટણી અધિકારી અને પ્રાંત અધિકારી આનંદ ઉકાણીએ ઝોનલ ઓફીસરો અને મદદનીશ ઝોનલ ઓફીસરને PPT ના માધ્યમથી ચૂંટણી લક્ષી માહિતીથી વાકેફ કર્યા હતા. નાયબ જીલ્લા ચૂંટણી અધિકારી જીજ્ઞાબેન દલાલે પણ ચૂંટણીલક્ષી માહિતી પુરી પાડી જરૂરી માર્ગદર્શન આપ્યું હતું. જેમા વનરેબલીટી મેપીંગ અંગે, ઝોનલ ઓફીસરની ફરજો અને જવાબદારીઓ બાબતે માહિતી આપી હતી. ચૂંટણી અધિકારીશ્રી અને મામલતદાર સાગબારાના રણજીત મકવાણાએ ચૂંટણીલક્ષી અને કાયદાકીય જોગવાઈઓ, ઈ.વી.એમ./વી.વી.પેટના સંચાલનને લગતી માહિતી, પોલ-ડે ના દિવસે કરવાની કામગીરી વિગેરેથી માહિતગાર કર્યા હતા.
બેઠકમાં મદદનીશ ચૂંટણી અધિકારી સાગબારા અને દેડીયાપાડાના મામલતદાર, દેડીયાપાડાના પોલીસ ઈન્સપેક્ટર તેમજ દેડીયાપાડા અને સાગબારા પોલીસ મથકના પોલીસ સબ ઈન્સ્પેક્ટર પણ ઉપસ્થિત રહ્યા હતા.
દીપક જગતાપ, રાજપીપળા
