રાજુ સોલંકી, ગોધરા 
વિદેશી દારૂ, વાહન અને મોબાઈલ મલી કુલ રૂપિયા ૮,૧૧,૭૬૫/- ની મતા સાથે બે આરોપીની અટક …
Advertisement
ગોધરા રેન્જ આઈ.જી.પી મનોજ શશીધર અને પોલીસ અધિક્ષક ડૉ. લીના પાટીલ ને મળેલ બાતમી અને એલ.સી.બી ના સુચના અનુસાર પી.આઈ ડી.એન.ચુડાસમા તેમજ કે.કે.ડીંડોડ દ્વારા બાતમીના આધારે ગોધરા બાય-પાસ હાઈવે રોડ નજીક સાંગપુર ચોકડી વિસ્તારમાંથી પસાર થતી સેવરોલેટ એન્જોય ગાડી માં વિદેશી દારૂનો જથ્થો મળી બે ઈસમો વડોદરા તરફ આવી રહ્યા હતા. ગાડી અટકાવી ઈસમોની તપાસ કરતા તેમના નામ જયેશ કનૈયાલાલ રાજપુત રહે. વારસીયા વડોદરા અને ચીરાગ નારણભાઇ ઓડ નામ જણાવ્યા હતા. તેમની ગાડી માંથી દારૂ અને બિયરની કુલ બોટલો નંગ-૨૯૫ કિંમત રૂપિયા ૧,૦૬,૨૬૫/- તથા અંગ ઝડતી માથી મળી આવેલ મોબાઈલ અને મોટરકાર મળી કુલ રૂપિયા ૮,૧૧,૭૬૫/- ની મતા પોલીસે જપ્ત કરી બંને વિરૂધ્ધ ગુનો નોંધી તપાસ હાથ ધરી છે.
