ગોધરા, રાજુ સોલંકી
પંચમહાલ જીલ્લાના કાલોલ નગરમા ખાનગી
કંપનીમા રોકેલા ૨૫ લાખ રુપિયાની રકમ લઇને ઠગ ટોળકી ફરાર થઈ ગઇ હતી.જેમા છેતરપીંડીનો ભોગ બનેલા લોકોએ આ અંગે કાલોલ પોલીસ મથકે ફરિયાદ નોધાતા કાયદેસરની કાર્યવાહી હાથ ધરી છે.
બનાવની વિગતો જોતા કાલોલના જયેશ કુમાર રામકુમાર પંડ્યાએ અને તેમની પત્નીએ
જુદી જુદી સ્કિમ દરમિયાન રીયલ ઇન્ડીયા કંપનીમાં નાણા રોકયા હતા.સાથે બીજા ૧૮૩ જેટલા ગ્રાહકોએ પણ નાણાની બચત થાય અને વ્યાજ પણ સારુ મળે એ હેતુથી નાણાનુ રોકાણ કર્યુ હતુ.આ કંપનીએ ગ્રાહકોને પાકતી મૂદતે નાણાં આપવાનો વાયદો કર્યો હતો.આ કંપનીએ એજન્ટો મારફતે પાછલા વર્ષોમાં
૨૫ લાખ જેટલી માતબર રકમ ઉધરાવી હતી.બાદમા આ કંપનીએ રાતોરાત શટર પાડી બંધ કરી નાણા ન ચુકવીને વિશ્વાસઘાત કર્યો હતો. આથી કાલોલના જયેશ પંડ્યાએ કંપનીના સીએમડી સહિત અન્ય કર્મીઓ સામે પોલીસ ફરિયાદ નોધાવી છે.જેમા (૧)પ્રદીપ કુમાર ગુપ્તા, CMD. રહે,લખનઉ, (૨)નીતીન શ્રીવાસ્તવ, CMD,રહે,આઝમગઢ, (૩)પંકજ શ્રીવાસ્તવ, ડીરેકટર રહે,લખનઉ, (૪)દિનેશસીંગ રામનજર રહે ,રહે, ગોરખપુર,(૫)પ્રધ્યુમન સિંહ, રહે, લખનઉ,
ઉત્તર પ્રદેશ, આ તમામ સામે ગુનાહિત કાવતરું કરી ગ્રાહકોને વિશ્વાસ આપી છેતરપિંડી કરવા બદલ કાલોલ પોલીસે ગુનો નોંધી તપાસનો ધમધમાટ શરુ કર્યો છે.
