ગોધરાનાં પાવર હાઉસ ખાતે ધારાસભ્ય સી.કે રાઉલજીનાં વરદ હસ્તે ચુંટણીલક્ષી મધ્યસ્થ કાર્યાલયનું ઉદ્દઘાટન કરવામાં આવ્યું.

ગોધરામાં આવેલ વોર્ડ નંબર 4 પાવર હાઉસ વિસ્તાર ખાતે ગોધરાના ધારાસભ્યના વરદ હસ્તે ચુંટણીલક્ષી મધ્યસ્થ કાર્યાલયનું ઉદ્દઘાટન કરવામાં આવ્યું હતું, જેમાં ભાજપ પ્રેરિત વોર્ડ નંબર 4 નાં ઉમેદવાર સહિત કાર્યકર્તાઓ અને સ્થાનિક લોકો હાજર રહ્યા હતા.

ગોધરામાં આવેલ પાવર હાઉસ વિસ્તારમાં ધારાસભ્ય સી.કે રાઉલજીનાં વડપણ હેઠળ ચુંટણીલક્ષી મધ્યસ્થ કાર્યાલયનું શુભારંભ કરવામાં આવ્યું હતું જેમાં ભાજપ પ્રેરિત વોર્ડ નંબર 4 ના ઉમેદવાર 1. જીતેન્દ્ર કુમાર ધરમદાસ સાવલાણી, 2. ભારતીબેન સતીષકુમાર પટેલ, 3. રાકેશકુમાર સોમાભાઈ રાણા, 4. રમીલાબેન શાન્તિલાલ સોલંકી સહિત ભાજપના આગેવાનો તેમજ કુલદીપસિંહ, મહેશભાઈ હારુમલાણી દયાલ ભગત અને સિંધી સમાજના અગ્રણીઓ ઉપસ્થિત રહ્યા હતા.

ગુજરાતમાં સ્થાનિક સ્વરાજ્યની સંસ્થાની ચૂંટણીને લઈને ધમધમાટ શરૂ થઈ ગયો છે ત્યારે ગોધરામાં ભાજપ આ વખતે વોર્ડ નંબર 4 માં ભવ્ય વિજય મેળવવા માંગતું હોય તેમ તૈયારીઓ કરી રહ્યું છે.

પંચમહાલ રાજુ સોલંકી