ગોધરા શહેરમાં એક યુવાનને હનીટ્રેપમાં ફસાવીને ૧૦,૦૦૦,૦૦ રૂપિયાની માંગણી કરનાર દંપતિને ગોધરા એ ડીવીઝન પોલીસે છટકુ ગોઠવીને ઝડપી પાડી હતી. પોલીસે આરોપીઓ સામે ગુનો નોંધીને કાયદેસરની કાર્યવાહી હાથ ધરવામા આવી હતી.
ખેડા જીલ્લામાં રહેતો એક યુવાન આર્યુવેદિક કંપનીમા કામ કરીને દવાઓનું વેચાણ કરતો હતો. પંચમહાલ જીલ્લામાં પણ દવાઓનું વેચાણ કરતી વખતે યુવકનો સંપર્ક શહેરા તાલુકાના તરસંગ ગામની આશાબેન ભરવાડ જોડે થયો હતો. જેમા દવાઓ મંગાવવા માટે ફોન માંગતા યુવકે નંબર આપ્યો હતો અને આશાબેનની વાતચીત યુવક સાથે થતી હતી. આ યુવક ૨૯ તારીખના રોજ ગોધરા ખાતે કામ અર્થે આવ્યો હતો અને તે સમયે આશાબેન ભરવાડે યુવકને ફોન કરીને ગોધરા ખાતેના ઘરે બોલાવ્યો હતો. જ્યા આશાબેનના પતિ કનુભાઇ આવી જતા યુવકને ધકકો મારીને રુમમા લઇ જઈ હુ કહુ તેમ કરવુ પડશે તેમ કહી આશાબેન સાથે બિભત્સ હાલતમા ફોટા પાડીને જાનથી મારી નાંખીને તારે બચવું હોય તો ૧૦ લાખ રૂપિયા આપવા પડશે અને બળાત્કારની ખોટી ફરિયાદ કરીને જેલ ભેગો કરી દઈશ તેવી ધમકી આપી હતી. આથી યુવક પૈસા ન આપવા હોય તેને પોલીસને જાણ કરી હતી અને ટીમે છટકુ ગોઠવીને દંપતીને ઝડપી પાડીને કાયદેસરની કાર્યવાહી હાથ ધરી હતી.
પંચમહાલ રાજુ સોલંકી
