ભારતીય જનતા પાર્ટીના પૂર્વ પ્રવક્તા દ્વારા મુસ્લિમ સમાજના મહાન પયગંબર વિરુદ્ધ અભદ્ર ટીપ્પણીના કારણે સમગ્ર દેશમાં રોષ ફાટી નીકળ્યો હતો તો કેટલીક જગ્યાએ તોફાનો પણ થયા હતા અને દેશમાં ઘણી જગ્યાએ તેમની સામે પોલીસ કેસો પણ કરવામાં આવ્યા છે.
નૂપુર શર્મા દ્વારા તેઓની સામે થયેલા કેસો બાબતે સુરક્ષાના કારણોસર તમામ કેસો દિલ્હી હાઇકોર્ટમાં ચલાવવા અંગેની દાદ માંગી હતી જેના જવાબમાં નામદાર સુપ્રીમ કોર્ટ નૂપુર શર્માને દેશની સ્થિતિ બગાડવા સબબ ફિટકાર લગાવી હતી અને દેશની માફી માંગવા જણાવ્યું હતું. કાયદાના જાણકાર હોવા છતાં દેશને જોખમમાં નાંખવા સબબ તેઓએ કોઈ રાહત ના આપતા ફિટકાર વરસાવી હતી. નામદાર સુપ્રીમ કોર્ટ દ્વારા ઉદયપુરની ઘટનાનું પણ અવલોકન ટાંકવામાં આવ્યુ હતું.
Advertisement
