વિશ્વના ટોપ-10 અમીરો માટે ખરાબ દિવસો ચાલી રહ્યા હોય તેવું લાગી રહ્યું છે અને તેમની સંપત્તિમાં તોતિંગ ઘટાડો થયો. એલોન મસ્કને સૌથી વધુ નુકસાન થયું છે, તેમની નેટવર્થ છેલ્લા 24 કલાકમાં $14 બિલિયન ઘટી છે. આ સિવાય જેફ બેઝોસ, વોરેન બફે, મુકેશ અંબાણી અને ગૌતમ અદાણીને પણ ભારે નુકસાન થયું છે.
મસ્કની સંપત્તિ ઘટીને કેટલી થઈ ?
વિશ્વના સૌથી અમીર વ્યક્તિ અને ટેસ્લા અને સ્પેસએક્સ કંપનીના માલિક ઈલોન મસ્કની નેટવર્થ $14 બિલિયન ઘટીને $203 બિલિયન થઈ ગઈ છે. આ સિવાય એમેઝોનના સ્થાપક જેફ બેઝોસને પણ છેલ્લા 24 કલાકમાં $4.20 બિલિયનનું નુકસાન થયું છે અને આ ઘટાડા સાથે તેમની સંપત્તિ $127 બિલિયન થઈ ગઈ છે.
આર્નોલ્ટ અને બિલ ગેટ્સને પણ મોટી ખોટ
આ ઘટાડાના સમયગાળામાં ટોપ-10ની યાદીમાં ત્રીજા સ્થાને રહેલા બર્નાર્ડ આર્નોલ્ટની કુલ સંપત્તિ $122 બિલિયન ઘટીને $389 મિલિયન છે, જ્યારે માઇક્રોસોફ્ટના બિલ ગેટ્સની નેટવર્થ $1.73 બિલિયન ઘટીને $112 બિલિયન થઈ છે. આ સમયગાળા દરમિયાન, યાદીમાં પાંચમા નંબર પર રહેલા લેરી પેજની નેટવર્થ $2.99 બિલિયન ઘટીને $97.1 બિલિયન થઈ ગયા છે.
અંબાણી-અદાણીની સંપત્તિમાં પણ થયો ઘટાડો
ટોપ-10 અમીરોની યાદીમાં સામેલ ભારતીય ઉદ્યોગપતિ મુકેશ અંબાણી અને ગૌતમ અદાણીને પણ મોટું નુકસાન થયું છે. અંબાણીની નેટવર્થ $1.40 બિલિયન ઘટીને $92.9 બિલિયન થઈ, ગૌતમ અદાણીની સંપત્તિ $2.19 બિલિયન ઘટીને $92.7 બિલિયન થઈ.
અન્ય અબજોપતિઓની પણ ખરાબ હાલત
છઠ્ઠા ક્રમના અનુભવી રોકાણકાર વોરેન બફેટ માટે પણ શુક્રવાર ખરાબ રહ્યો, તેમની સંપત્તિમાં $3.43 બિલિયનનો ઘટાડો થયો. આ પછી, બફેટની નેટવર્થ ઘટીને $93.4 બિલિયન થઈ ગઈ છે. સાતમા ક્રમના સાગ્રે બ્રિનની નેટવર્થ $2.82 બિલિયન ઘટીને $93.1 બિલિયન થઈ છે, જ્યારે 10મા ક્રમે રહેલા સ્ટીવ બાલમેરે $2.19 બિલિયન ગુમાવ્યા છે અને તેમની નેટ વર્થ $87.7 બિલિયન રહી છે.
