જંબુસરના માર્ગ પર ટ્રક અને મોપેડ વચ્ચે અકસ્માતમાં એક વ્યક્તિનું મોત.

ભરૂચના જંબુસર નજીક માર્ગ પર શોર્ટ ગ્લાસ કંપની પાસે મોપેડ અને ટ્રક વચ્ચે ગમખ્વાર અકસ્માત સર્જાતાં મોપેડ પર સવાર વ્યક્તિનું ઘટનાસ્થળે જ કરૂણ મોત નિપજ્યું હતું. મોપેડ સવાર વ્યક્તિ પસાર થઈ રહ્યો હતો તે દરમિયાન પુરપાટ ઝડપે ધસી આવેલા ટ્રકે મોપેડ સવાર વ્યક્તિને અડફેટે લેતા અકસ્માત સર્જાયો હતો. અકસ્માત બાદ ઘટનાસ્થળે લોકોના ટોળે ટોળા ઉમટી પડ્યા હતા. મરણજનારને પી.એમ રિપોર્ટ માટે હોસ્પિટલે ખસેડવામાં આવેલ છે. આ ઘટનાની જાણ થતાં તાત્કાલિક ધોરણે પોલીસનો કાફલો ઘટનાસ્થળે પહોંચી ટ્રક ચાલક વિરૂદ્ધ અકસ્માતનો ગુનો નોંધી આગળની તપાસ હાથ ધરી છે.