બનાવ અંગેની જાણવા મળતી માહિતી અનુસાર બે દિવસ પહેલા ભરૂચ જિલ્લાના જંબુસર તાલુકાના વેડચ પોલીસ મથકની હદમાં આવેલ નવીનગરી વિસ્તારમાં ગત રાત્રીના સમયે એક વિધવા મહિલાની ગળું કાપી હત્યાને અંજામ અપાયો હોવાની ઘટના સામે આવતા પંથકમાં ભારે ખળભળાટ મચ્યો છે.
ઘટના બાદ પોલીસે સ્થળ પર પહોંચી મૃતકની લાશનો કબ્જો મેળવી તેને જંબુસર રેફરલ હોસ્પિટલ ખાતે પોસ્ટમોર્ટમ અર્થે ખસેડી મામલા અંગે હત્યાનો ગુનો દાખલ કરી કાયદેસરની કાર્યવાહી હાથધરી હતી, જેમાં ઊર્મિલાના મકાન નજીક રહેતો વિજય જાદવ નામના ઇસમે તેની સાથે ઊર્મિલાએ સબંધ રાખવાનું ના કહેતા હત્યાને અંજામ અપાયો હોવાનું સામે આવ્યું હતું, જે બાદ પોલીસે હત્યાને અંજામ આપનાર વિજયની શોધખોળ હાથધરી હતી.
પોલીસની તપાસ દરમિયાન વિજય જાદવની તેના જ ખેતરમાંથી લાશ મળી આવી હતી, જે બાદ અનુમાન લગાવાય રહ્યું છે કે શું વિજયની કોઈક એ હત્યા કરી છે..? કે પછી હત્યાને અંજામ આપ્યા બાદ વિજયે સુસાઇડ કર્યું છે,? તેવી બાબતો હાલ વિજયના મૃતદેહ મળી આવ્યા બાદથી લોકોમાં ચર્ચાનું કેન્દ્ર બની છે, ત્યારે સમગ્ર મામલા અંગે વેડચ પોલીસે ગુનો દાખલ કરી મૃતકની લાશને પોસ્ટમોર્ટમ અર્થે ખસેડી કાયદેસરની કાર્યવાહી હાથધરી છે.
હારુન પટેલ : ભરૂચ
મો.: 99252 22744
