જેતપુરના ધોરાજી રોડ પર આવેલ ઇમ્પીરિયલ ફેબ્રીક નામના સાડીનાં કારખાનાના બોઈલરમાં આગ લાગતાં લાખો રૂપિયાનો માલ ખાખ થઈ ગયો. સાડીનાં કારખાનામાં આગ લાગતાં ફાયર બ્રિગેડની ટીમ ત્યાં પહોંચી ગઈ હતી અને પાણીનો મારો કરી આગ પર કાબુ મેળવ્યું હતું.
મળતી વિગત અનુસાર જેતપુરમાં ધોરાજી રોડ પર આવેલા ઇમ્પીરિયલ ફેબ્રરિક નામના કારખાનામાં આજ વહેલી સવારે આગ લાગ્યાની ઘટના સામે આવી હતી પરિણામે ફાયર બ્રિગેડનો સ્ટાફ ઘટના સ્થળે દોડી ગયો હતો અને સતત પાણીનો મારો ચલાવી આગ ઉપર કાબુ મેળવવાનો કોશિશ કરી હતી. કારખાનાના બોઇલરમાં આગ લાગવાના કારણે લાખો રૂપિયાનું નુકશાન થયું હોવાનું પ્રાથમિક તારણ લગાવવામાં આવ્યું છે. જેતપુરમાં ધોરાજી રોડ પર આવેલા ઇમ્પીરિયલ ફેબ્રરિક નામના સાડીના કારખાનામાં અચાનક આગ લાગતાં જેતપુર તાત્કાલિક ત્રણ ફાયર ફાઇટર ઘટના સ્થળ પર પહોંચી આગ બુઝાવવાની કામગીરી શરૂ કરી હતી અને સતત પાણીનો મારો ચલાવી આગને કાબૂમાં લેવામાં આવી હતી. કારખાનાના માલિક બંશીભાઈ રાઠીએ જણાવ્યું હતું કે આગના કારણે લાખો રૂપિયાનુ નુકશાન થયું છે.
