ખંભાળિયામાં મિલ્ક વાનની પલ્ટી, સદભાગ્યે જાનહાની નહિ.

ખંભાળિયા શહેરમાં આજરોજ સવારે એક દૂધ વાહન અકસ્માતે પલટી ગયાનો બનાવ બન્યો હતો. જોકે આ અકસ્માતમાં ખાસ કંઈ નુકસાની થઈ ન હતી.

ખંભાળિયા શહેરમાં આજે સવારે દૂધનું વિતરણ કરવા આવેલી અમૂલ દૂધની મિલ્ક વાન આશરે પોણા છ વાગ્યાના સમયે અત્રે શારદા સિનેમા રોડ પરથી નગર ગેઈટ તરફ દૂધ ઉતારીને પરત જઈ રહી હતી, ત્યારે ગાયત્રી મોબાઈલ વર્લ્ડવાળી ગોલાઇમાં પહોંચતા અકસ્માતે પલટી ગઈ હતી. જેના કારણે આ વાહનમાં નુકસાની થવા પામી હતી. જોકે મોટી જાનહાની ન થતા સૌએ રાહતનો દમ લીધો હતો.

આ વાહનમાંથી ડીઝલ લીકેજ થતા ફાયર સ્ટાફને જાણ કરવામાં આવી હતી. જેથી ફાયર બ્રિગેડના જવાનો ફાયર ફાયટર સાથે દોડી ગયા હતા.