માંગરોળ તાલુકાની બોરસદ દેગડીયા ગ્રુપ ગ્રામ પંચાયતના વિજેતા કોંગ્રેસી સરપંચ માલાભાઈ ગામીત અને વડ,ગામના પૂર્વ સરપંચ ભરતભાઇ ચૌધરી સહિત ના આગેવાનો ભાજપમાં જોડાતા ધારાસભ્ય ગણપતભાઈ વસાવા એ કેસરીયો ખેસ પહેરાવી પક્ષમાં આવકાર્યા હતા.
બોરસદ દેગડીયા ગ્રુપ ગ્રામ પંચાયતની ચૂંટણીમાં ભાજપ ની પેનલ ને હરાવી વિજેતા બનેલા સરપંચ માલાભાઈ ગામીત તેમજ અન્ય સભ્યો ધારાસભ્યશ્રી ના કાર્યાલય ખાતે તાલુકા પંચાયતના પૂર્વ પ્રમુખ જગદીશભાઈ ગામીત ભાજપના મહામંત્રી દીપકભાઈ વસાવા વગેરેની ઉપસ્થિતિમાં વિધિવત રીતે ભાજપમાં જોડાતા કેસરીયો ખેસ પહેરાવી આગેવાનોને પક્ષમાં આવકાર્યા હતા જ્યારે વડ ગ્રુપ ગ્રામ પંચાયતના પૂર્વ સરપંચ ભરતભાઇ ચૌધરી તેમજ વડ ગ્રુપ ગ્રામ પંચાયત મા કુંડ કેવડી ફળિયામાં વોર્ડ સભ્ય તરીકે ચૂંટાયેલા નીતિનભાઈ વસાવા સહિતના આગેવાનો ભાજપમાં જોડાતા ધારાસભ્ય ગણપતભાઈ વસાવા સહિતના આગેવાનોએ કેસરીયો ખેસ પહેરાવી તેઓને ભાજપ પક્ષમાં આવકાર્યા હતા.
વિનોદ મૈસુરિયા : વાંકલ
