મુંબઈ સ્થિત એફોર્ડેબલ હાઉસિંગ ફાઈનાન્સ કંપની વેસ્ટ એન્ડ હાઉસિંગ ફાઈનાન્સ લિ.એ તેના ચેરમેન તરીકે પ્રતિષ્ઠિત બેન્કર જગદીશ કપૂરની નિમણૂક કરી છે. 10 મી ફેબ્રુઆરી, 2023 ના રોજ મુંબઈમાં મળેલી તેની બેઠકમાં બોર્ડ દ્વારા આ નિમણૂક કરવામાં આવી હતી.
ફાઈનાન્સ ક્ષેત્રે શાનદાર કારકિર્દી ધરાવતા જગદીશ કપૂરે રિઝર્વ બેંક ઓફ ઈન્ડિયાના ડેપ્યુટી ગવર્નર તરીકે પણ ફરજ બજાવી છે. તેઓ એચડીએફસી બેંક અને બોમ્બે સ્ટોક એક્સચેન્જ (બીએસઈ) ના ચેરમેન પણ રહી ચુક્યા છે અને સ્ટેટ બેંક ઓફ ઈન્ડિયા, બેંક ઓફ બરોડા, નેશનલ હાઉસિંગ બેંક, નાબાર્ડ અને એક્ઝિમ બેંક જેવી કેટલીક અગ્રણી બેંકોના બોર્ડમાં સેવા આપી છે.
નિમણૂક વિશે બોલતા વેસ્ટ એન્ડ ગ્રૂપના ચેરમેન શ્રી પંકજ ગુપ્તાએ જણાવ્યું હતું કે, “અમે વેસ્ટ એન્ડ હાઉસિંગ ફાઇનાન્સના ચેરમેન તરીકે શ્રી જગદીશ કપૂર જેવા પ્રતિષ્ઠિત અને આદરણીય પ્રોફેશનલને અમારા બોર્ડમાં મેળવીને સન્માનિત અને આનંદિત છીએ. અમને વિશ્વાસ છે કે તેમની દિર્ઘદ્રષ્ટિ, અનુભવ અને માર્ગદર્શન આવનારા વર્ષોમાં અમારી વિકાસની યાત્રામાં ચાવીરૂપ બનશે.”
સૂચિત્રા આયરે
