નડિયાદ : કપડવંજ પાસે કારમાં આગ લાગતા અફરાતફરીનો માહોલ.

નડિયાદના કપડવંજ પાસે અંતીસર નજીકથી પસાર થતી એક કારમાં અચાનક જ આગનો બનાવ બન્યો હતો.

બનાવની પ્રાપ્ત વિગતો અનુસાર કપડવંજમાં અંતીસર નજીકથી પસાર થતા એક દંપતિ જતા હોય તે સમયે અચાનક જ કારમાં આગ લાગી જતા અફરાતફરીનો માહોલ સર્જાયો હતો પરંતુ સમય સૂચકતા વાપરીને કારમાં સવાર દંપતી કારમાંથી બહાર નીકળી જતા તેમનો આબાદ બચાવ થયો હતો. તાત્કાલિક ધોરણે કપડવંજ ફાયર વિભાગને જાણ કરવામાં આવતા કાફલો ઘટના સ્થળે પહોંચી પાણીનો મારો ચલાવી આગને કાબુમાં લેવાના પ્રયત્નો હાથ ધર્યા હતા, સદ્નસીબે કારમાં સવાર દંપતીનો બચાવ થયો હતો અને આ આગની ઘટનામાં કોઈ મોટી જાનહાનિ થઈ નથી. કારમાં આગ લાગતાની સાથે જ આગે વિકરાળ સ્વરૂપ ધારણ કરતા કાર બળીને ખાખ થઈ ગઈ હતી.

નરેશ ગનવાણી : નડિયાદ