ખેડાથી નડિયાદ તરફના ટોલ રોડ પર ગાય રસ્તા વચ્ચે આવી જતાં ઝારોલ ગામ પાસે કાર ચાલકને અકસ્માત થયો છે. ઘટનામાં બે વ્યક્તિઓને સામન્ય ઇજાઓ પહોંચી છે. 108 ની ટીમ દ્વારા કાર ચાલકને પ્રાથમિક સારવાર આપવામાં આવી હતી.
પ્રાપ્ત માહિતી અનુસાર અમદાવાદના રહેવાસી જય શાહ પોતાની કાર લઈ નડિયાદ તરફ આવી રહ્યા હતા. દરમિયાન ઝારોલ ગામ પાસે હાઇવે પર અચાનક ગાય રસ્તા પર આવી જતા ચાલકે બ્રેક મારતા ગાડી પલટી મારી ગઇ હતી. આસપાસથી પસાર થતા લોકોએ ગાડીને સીધી કરીને ચાલક અને તેની બાજુમાં બેઠેલ વ્યકિતને બહાર કાઢ્યા હતા. જોકે બંને વ્યક્તિને સામાન્ય ઇજાઓ પહોંચી હતી. પલટી ખાઇ જતા ગાડીના આગળના ભાગને ઘણું નુકસાન પહોંચ્યું હતું. ઝારોલ ગામ આસપાસ હાઈવે પર સર્વિસ રોડ બનાવવામાં આવ્યો નથી. જેને કારણે રખડતા પશુઓ હાઇવે પર આવી જતા અકસ્માત અવારનવાર થતા હોય છે.
Advertisement
નરેશ ગનવાણી : નડિયાદ
