નડીયાદનાં મોડાસા કપડવંજ રોડ પર વણઝારીયા પાટિયા નજીક અકસ્માત સર્જાયો હતો. વહેલી સવારે વણઝારીયા પાટિયા પાસેથી પસાર થઇ રહેલી એક ટ્રક અને ઇકો કાર વચ્ચે ધડાકાભેર ટક્કર થઇ હતી. જેમાં ઇકો કારના ચાલકને ગંભીર ઇજા પહોંચતા તેને વધુ સારવાર માટે હોસ્પિટલ ખાતે લઇ જવાયો હતો. જ્યારે અકસ્માતમાં ડુંગળી અને બટાકાની બોરીઓ ભરેલી ટ્રક પલ્ટી ખાઇ ગઇ હતી. બનાવની જાણ થતાં જ આસપાસના વિસ્તારોના લોકો બનાવ સ્થળે ઉમટી પડ્યા હતા. ડુંગળી-બટાકા ભરેલી ટ્રક પલ્ટી ખાઇ ગઇ હોવાની જાણ થતા જ પોલીસ ઘટનાસ્થળે દોડી આવી હતી.
અકસ્માતને કારણે કલાકો સુધી ટ્રાફિકજામ થતા વાહનોની અવરજવરને અસર પહોંચી હતી. પ્રાથમિક માહિતી અનુસાર ટ્રક ચાલકે સ્ટીયરીંગ પરનો કાબુ ગુમાવતા અકસ્માત થયો હોવાનું જાણવા મળ્યું હતું. ઇકો કારના ચાલક સહિત બે વ્યક્તિને અકસ્માતમાં ઇજા પહોંચી હતી. ઘટનાની જાણ થતા કપડવંજ રૂરલ પોલીસ ઘટના સ્થળે પહોંચી હતી.
નરેશ ગનવાણી : નડિયાદ
