ડાકોરમાં ગઈકાલે લગ્ન પ્રસંગમાં સેવા આપી પરત આવતાં લોકોને અકસ્માત નડતા ૧૨ જેટલા વ્યક્તિઓ નાની મોટી ઇજાઓનો ભોગ બન્યા હતા.
ડાકોર ઠાસરા રોડ ઉપર ગઈકાલે ઢળતી સાંજે લગ્ન પ્રસંગમાંથી આવતા લોકોને અકસ્માત નડયો હતો. અકસ્માતમાં એક ટેમ્પોમાં ૩૦ થી વધુ લોકો સવાર હતા જેમાં 12 લોકોને ઇજા પહોંચતા તાત્કાલિક ધોરણે તમામ લોકોને સારવાર અર્થે હોસ્પિટલે ખસેડવામાં આવ્યા હતા. બનાવની વિગત એવી છે કે ગઈકાલે ડાકોર ઠાસરા રોડ ઉપર લગ્ન પ્રસંગમાં સેવા આપી ૩૦ જેટલા લોકો એક ટેમ્પોમાં સવાર થઈને જતા હોય અચાનક જ ટેમ્પોના ચાલકનો સ્ટીયરીંગ પરથી કાબુ ગુમાવતા અકસ્માત સર્જાયો હતો. આ અકસ્માતમાં ૧૨ વ્યક્તિઓને શરીરે નાનીમોટી ઈજાઓ પહોંચી હતી. આ બનાવની જાણ થતા સ્થાનિક લોકોએ તાત્કાલિક જ ઈજાગ્રસ્ત લોકોને હોસ્પિટલે ખસેડાયા હતા. અકસ્માતમાં ઘવાયેલા વ્યક્તિઓને તાત્કાલિક ધોરણે સરકારી હોસ્પિટલમાં સારવાર પૂરી પાડવામાં આવી હતી. વધુ સારવાર માટે ગંભીર ઇજાઓ પહોંચેલા લોકોને ખાનગી હોસ્પિટલમાં પણ રિફર કરવામાં આવ્યા હતા. જેમાં ત્રણ લોકોને અત્યંત ગંભીર ઇજાઓ પહોંચી હોય તેઓ જાણવા મળ્યું છે.
નરેશ ગનવાણી : નડિયાદ
