અમદાવાદ રામોલમાં રહેતા કિશોર પાલીવાલના કાકાનો દિકરો મયુર અને ડ્રાઇવર હબીબજી ટ્રાન્સપોર્ટનો સામાન આઇસર ભરીને અંકલેશ્વર જઇ રહ્યા હતા. તે સમયે એકસપ્રેસ વે નડિયાદ નજીક ડાકોર પાસેથી પસાર થઈ રહ્યા હતા એ અરસામાં આઇસરમાં પંચર પડતા સાઈડમાં ઉભી રાખી બંને વ્યક્તિ ટાયર બદલાવી રહ્યા હતા. પાછળ આવતી ટ્રકના ચાલકે આઇસરને પાછળથી ટક્કર મારતા બે વ્યક્તિઓને શરીરે ગંભીર ઈજાઓ પહોંચી હતી.
બનાવની જાણ આઇસરમાં રહેલ જીપીએસ સિસ્ટમના કારણે વાપીમાં રહેલ ચમનભાઇને થતા તેમને અમદાવાદ કિશોરભાઇને જાણ કરતા તેઓ બનાવ સ્થળે પહોંચ્યા હતા. જ્યારે ગંભીર રીતે ઘવાયેલા હબીબજીને તાત્કાલિક સારવાર અર્થે સિવિલ હોસ્પિટલ ખસેડયા સારવાર દરમિયાન મોત નિપજયુ હતુ. જ્યારે મયુરભાઈની કોઈ ભાળ મળી ન હતી. થોડા કલાકો બાદ અકસ્માત થયેલા ટ્રક અને આઇસર છુટ્ટા કરતા આઇસર વ્હીલ નીચેથી મયુરનો મૃતદેહ મળી આવ્યો હતો. પોલીસે ગુનો નોંધી આગળની કાર્યવાહી હાથ ધરી છે.
નરેશ ગનવાણી : નડિયાદ
