નડિયાદ શહેરના પશ્ચિમમાં 70 વર્ષીય વૃદ્ધ સાથે છેતરપિંડીની ઘટના બની છે. ડ્રગ્સનું ચેકિંગ ચાલે છે, તમને ખબર નથી, આ સોનાની ચેન અને વીંટી ઉતારી નાખો, તેમ કહી બે ગઠિયા વૃદ્ધે ઉતારેલા રૂા.1.75 લાખના સોનાના ઘરેણા તફડાવી છુમંતર થઈ ગયા હતા. નડિયાદના અશોકભાઈ પંજાબી અમદાવાદમાં સાડીનો વ્યવસાય કરે છે.
સોમવારે તેઓ માઈ મંદિરે દર્શન કરવા જઈ રહ્યા હતા. તે દરમિયાન લાલવાણી સ્ટોર્સ પાસે ઉભેલા બે અજાણ્યા ઈસમોએ તેમને રોક્યા હતા. અને પોતાની ઓળખ પોલીસ તરીકે આપી અહીં ડ્રગ્સનું ચેકિંગ ચાલે છે, તમને ખબર નથી, તમે પહેરેલી સોનાની વીંટીઓ અને ચેઈન ઉતારી નાખો તેમ કહી હાથ ચાલાકીથી રૂા.1.75 લાખના સોનાના ઘરેણા લઈ સ્થળ પરથી ભાગી ગયા હતા. પોલીસે જણાવ્યું હતું કે અશોકભાઈને સીસીટીવી ફુટેજ બતાવ્યા છે. પરંતુ તેઓની ઉંમર વધારે હોય તેઓને ગઠિયા કેવા હતા, તે યાદ નથી.
Advertisement
નરેશ ગનવાણી : નડિયાદ
